Fransa Müdafiə Nazirliyi son iki ildə – xüsusi hərbi əməliyyatın başlamasından bu yana Ukraynaya göndərilən hərbi yardımların siyahısı dərc edib.
Azpost.info xəbər verir ki, siyahıda uzaqmənzilli raketlər, hava hücumundan müdafiə sistemləri, rabitə vasitələri, müxtəlif silahlar və pilotsuz təyyarələr var. Son çatdırılma tarixi 31 dekabr 2023-cü ildir.
Ötən ilin sonunda Paris Kiyevə iki Crotale NG sistemi, altı Mistral MANPADS və bir Fransa-İtaliya SAMP/T hava hücumundan müdafiə sistemi tədarük edib. Bundan başqa, Ukraynaya Ground Master 200 (GM200) radarı və SCALP raketləri göndərilib.
Paris həmçinin Ukrayna Silahlı Qüvvələrinə 30 “Sezar” özüyeriyən artilleriya qurğusu, 6 TRF1 haubitsa, dörd reaktiv yaylım atəş sistemi və 10 120 mm-lik minaatan təhvil verib.
2023-cü ilin sonunda Ukraynaya 38 AMX10 RC yüngül təkərli tank və silahı olan və ya sanitar konfiqurasiyada olan 250 zirehli maşın, həmçinin 120 yolsuzluq avtomobili və altı yük maşını təhvil verilib. Əsas silahı təchiz etmək üçün AMX10 RC-yə doqquz min patron verilib. Ukrayna Silahlı Qüvvələri təxminən yüz yarım pilotsuz təyyarə, onlarla şişmə qayıq, pulemyot və snayper tüfəngləri, həmçinin milyonlarla patron alıb.
Azpost.info
