“Gec-tez Qərbdə vətəndaş müharibəsi başlayacaq”.
Azpost.info bildirir ki, bu barədə amerikalı sahibkar və milyarder İlon Mask sosial şəbəkədə paylaşımında bildirib .
“İstəsək də, istəməsək də, müharibə hər halda başlayacaq” -deyə qeyd edib
Mask bununla da miqrantların nizamsız axınının Qərb ölkələrinin sakinlərinin vətəndaş müharibəsinə başlayacağı ilə bağlı xəbərdarlıq edən kanadalı professor Qad Saadın postunu şərh edib.
Bəzi məlumatlara görə, hər gün Meksikadan 10 min qeyri-qanuni miqrant ABŞ sərhədini keçir. Miqrasiya məsələsi ABŞ-da 2024-cü il prezident seçkilərinin əsas məsələsinə çevrilərək yerini iqtisadi problemlərə verib.
Bundan əvvəl İlon Mask 2024-cü ilin noyabrında keçiriləcək prezident seçkilərində ABŞ Demokratik Partiyasını dəstəkləməyəcəyini bildirmişdi. “Demokratlar bu dəfə qalib gəlsələr, ABŞ-ın sonu çatacaq” -deyə Mask bildirib.
