Gürcüstan hakimiyyəti regionda nüvə müharibəsi baş verməsi ehtimalına qarşı ətraflı plan hazırlayıb.
Azpost.info xəbər verir ki, bu barədə ölkənin Dövlət Təhlükəsizlik Xidmətinin rəhbəri Qriqol Liluaşvili bildirib.
“Mövcud çağırışlar nüvə silahının istifadəsini istisna etmir. Mən ölkəmizi yox, bütövlükdə regionu nəzərdə tuturam”, – Liluaşvili deyib.
Onun sözlərinə görə, hazırlanmış planda Gürcüstanın hər bir departamenti üçün fəaliyyət ssenariləri nəzərdə tutulub.
Eyni zamanda Liluaşvili ölkədəki bomba sığınacaqlarının bəzilərinin istifadəyə yararsız ola biləcəyini də etiraf edib. Dediyinə görə, mövcud təhlükə ilə əlaqədar Gürcüstan həm ölkə daxilində, həm də xaricdə mülayim, praqmatik siyasət yürütməlidir.
Azpost.info
