“Bəzi məlumatlara görə, Gürcüstanla sərhəddə Rusiya vətəndaşlarına Rusiya əleyhinə sənədlər imzalamaq təklif edilir”.
Azpost.info xəbər verir ki, bunu Rusiya Dövlət Dumasının sədri Vyaçeslav Volodin deyib.
Onun sözlərinə görə, ruslardan Rusiyanın təcavüzkar ölkə olduğuna və Gürcüstanın ərazi bütövlüyünü pozduğuna dair sənədləri imzalamaq istənilir. Bundan başqa, onlardan Rusiyanın müstəqil dövlətlərə qarşı hərəkətlərini pislədiklərini sənədləşdirmək tələb olunur.
Volodin depuatatları məsələ ilə məşğul olmağa çağırıb: “Əgər bu məlumat doğrudursa və vətəndaşlarımız bu sənədi imzalayırsa, bu, açıq-aşkar cinayətdir. Biz bununla məşğul olmalıyıq”.
Duma sədri təhlükəsizlik və beynəlxalq məsələlər komitələrinin rəhbərlərinə məsələni araşdırmağı tapşırıb. Volodin qeyd edib ki, məlumat təsdiqini taparsa, hüquq-mühafizə orqanlarına müraciət etmək lazım gələcək: “Bu sənədi imzalayanlar ölkəyə qayıdandan sonra cəzalandırılacaqlar”.
Azpost.info
