“Həmas”ın İsrailə hucumunu Berlin küçələrində bayram edilməsi Almaniyanın ölkəyə həddindən artıq çox əcnəbini buraxdığını göstərir”.
Azpost.info bildirir ki, ABŞ-ın keçmiş dövlət katibi Henri Kissincer Welt TV-yə müsahibəsində deyib.
“Tamamilə fərqli mədəniyyətlərə, dinlərə və anlayışlara malik bu qədər çox insanı içəri buraxmaq ciddi səhv id. Çünki bu hər bir ölkədə təzyiq qrupu yaradır”– deyə 100 yaşlı keçmiş diplomat müsahibəsində deyib.
Kissincer Berlindəki ərəblərin İsrailə hücumunu qeyd etməsinə işarə edərək bunun “ağrılı” olduğunu söyləyib.
Kissincer regionda təhlükəli eskalasiya ehtimalı barədə xəbərdarlıq edərək deyib ki, “Həmas”ın açıq təcavüz aktı müəyyən cəza ilə qarşılanmalıdır.
Kissincer 1973-cü ildə Misir və Suriyanın başçılıq etdiyi ərəb koalisiyasının İsrailə hücum etdiyi “Qiyamət Günü” müharibəsindən əldə edilmiş dərslərə işarə edərək xəbərdarlıq edib: “Yaxın Şərq münaqişəsinin genişlənməsi və ictimai rəyin təzyiqi altında digər ərəb ölkələrini cəlb etmək təhlükəsi var”.
Onun sözlərinə görə, “Həmas” və onun tərəfdarlarının əsl məqsədi ərəb dünyasını İsrailə qarşı səfərbər etmək və sülh danışıqları yolundan imtina etmək ola bilər. O, həmçinin əlavə edib ki, İsrail Tehranın hücumda əli olduğuna inanarsa, İrana qarşı hərəkətə keçə bilər.
Kissincerin sözlərinə görə, Rusiyanın Ukraynada davam edən təcavüzü, HƏMAS-ın İsrailə hücumu birlikdə beynəlxalq sistemə əsaslı hücum anlamına gəlir.
Azpost.info
