“Həyat sığortası olan şəxslərin varislərindən kredit ödənişi tələb edilə bilməz” –DEPUTAT ŞƏRHİ

“Həyat sığortası ilə kredit götürmüş və ya əmlaka sahib olmuş şəxslərin varislərindən ödəniş tələb edilə bilməz”.
Azpost.info bildirir ki, bu barədə Milli Məclisin deputatı Vüqar Bayramov Konstitusiya Məhkəməsinin “İpoteka haqqında” qahuna verdiyi şərhə münasibət bildirirəkən deyib.
V.Bayramovun sözlərinə görə,  “həyat sığortasının da əsas özəlliyi məhz borclanan dünyasının dəyişərsə qalan xərcin sığorta şirkəti tərəfindən ödənilməsidir: “Sığortalanan dünyasını dəyişən zaman bu öhdəliklər də qarşılanır. Bu baxımdan, əgər həyat sığortasında kredit məbləği tam olaraq nəzərə alınırsa o halda varisdən heç bir ödəniş tələb edilə bilməz. Borclanan həyat sığortası üzrə həmçinin ona görə ödəniş edir ki, dünyasını dəyişərsə varisindən vəsait tələb olunmasın”.
Deputat qeyd edib ki, indi hətta daxili ipoteka kreditlərinin böyük əksəriyyətində həyat sığortası əsas şərtərdəndir: “Bu baxımdan, nəinki İpoteka Krediti və Zəmanət Fondu tərəfindən verilən ipoteka kreditlər, hətta daxili kreditlər üzrə də sığorta varsa o zaman varisə heç bir öhdəlik buraxılmır. Qalan məbləğ şığorta şirkəti tərəfindən qarşılanır. Əslində, bu həm də ondan xəbər verir ki, həyat sığortasından istifadə varis üçün öhdəlik yaratmamaq deməkdir”.
Əvvəlki məqalə

“Bizim müharibəmiz müharibə deyildi?” –

Sonrakı məqalə

Moskvada II Avrasiya İqtisadi Forumu başlayır