Bakıda məktəbin pəncərəsindən yıxılaraq faciəli şəkildə həyatını itirən 7-ci sinif şagirdi Günəl Dadaşova Salyan rayonunun Arbatan kənd qəbiristanlığında dəfn olunub.
Baku TV-nin məlumatına görə, hadisə paytaxtın Yasamal rayonunda yerləşən 225 nömrəli tam orta məktəbdə baş verib. Məktəbli pəncərədən yıxıldıqdan sonra həyatını itirib.
Arbatan kəndinin sakinləri bildiriblər ki, Günəl kiçik yaşlarından ana tərəfdən xalası tərəfindən böyüdülüb. Lakin 2023-cü ildə onun xalası da faciəli şəkildə dünyasını dəyişib. Qadını qatar vuraraq öldürüb.
Kənd sakinlərinin sözlərinə görə, Günəlin ölüm xəbəri onları dərindən sarsıdıb.
Xalasının vəfatından sonra Günəl Bakıya köçərək doğma anası ilə yaşamağa başlayıb.
Məktəblinin ölümü ilə bağlı yayılan məlumatlar cəmiyyətdə böyük kədər doğurub.
