Hakerlər “Tviter” sosial şəbəkəsinin 235 milyon istifadəçisinin elektron poçt ünvanları olan məlumat bazasını ələ keçiriblər.
Azpost.info xəbər verir ki, bu barədə “Reuters” məlumat yayıb.
Bu, tarixdəki ən böyük məlumat sızmalardan biri sayılır. Ələ keçirilmiş məlumat bazası artıq bir neçə haker saytında yerləşdirilib.
İsrailin kompüter təhlükəsizliyi üzrə eksperti Alon Qal yaxın gələcəkdə fişinq hücumları, hakerlər və məşhurların şəxsi məlumatlarının dərci hallarının sayının artacağını bildirib.
Qal qeyd edib ki, sızan məlumatlar şantaj və ya hesabların oğurlanmasına səbəb ola bilər, həmçinin hakimiyyəti tənqid edən istifadəçilərin həbsi və digər siyasi təqib formaları üçün istifadə edilə bilər.
Azpost.info
