“Hazırda əsas prioritet atəşkəsə nail olmaqdır“.
AzPost bildirir ki, bu barədə Ukrayna prezidenti Zelenski Ağ Evdə Trampla görüşünün nəticələri ilə bağlı keçirdiyi brifinqdə deyib.
“Ruslar həqiqətən də bütün ərazini işğal etmək istərdilər. Lakin ərazilər və ya digər aspektlər üzrə hər hansı razılaşmadan danışmazdan əvvəl ilk addımı atmaq vacibdir – atəşkəs”, – prezident deyib.
“Biz olduğumuz yerdə dayanmalıyıq. Sonra danışıqlara başlamalıyıq”- deyə Zelenski bildirib.
Qeyd edək ki, Tramp da danışıqlardan sonra eyni bəyanatı verib.
“Bu görüşdən sonra Tomahawk tədarükü ilə bağlı optimistsiniz?” sualına Zelenski “mən realistəm” cavabını verib.
“Tramp və mən qərara gəldik ki, hələlik uzaqmənzilli raketləri açıq müzakirə etməyəcəyik”-deyən Zelenski qeyd edib ki, ABŞ eskalasiyanı istəmir.
“Biz qərara gəldik ki, biz daha çox silah istehsalı üzərində işləyəcəyik”, – deyə Zelenski bildirib.
Zelenski qeyd edib ki, ABŞ və Ukrayna öz tərəfdaşları ilə birlikdə müdafiə sənayesində gələcək əməkdaşlıq haqqında razılığa gəliblər.
