İran ərazisinə çoxsaylı zərbələr endirilməsinə baxmayaraq, ölkə ayda təxminən 50 ballistik raket istehsal etmək imkanını qoruyub saxlayır.
Azpost.info bildirir ki, bu barədə “Bloomberg” agentliyi noyabrın 11-də məlumat yayıb.
Qərb kəşfiyyat xidmətlərinin qiymətləndirməsinə görə, İran ayda təxminən 50 ballistik raket istehsal edə bilər. Bu, ölkənin müharibədən əvvəlki istehsal gücünün təxminən yarısı deməkdir. Nəşr yazır ki, hava zərbələri aylarla davam etsə də, İranın bu potensialı hərbi əməliyyatlar yenidən başlayacağı təqdirdə ona ciddi cavab zərbəsi endirmək imkanı verə bilər.
Məlumata görə, hazırda İranın arsenalında azı 1700 ballistik raket ola bilər. Bununla belə, ölkənin raket ehtiyatlarını artırma tempi ABŞ-ın İrana qarşı hərbi əməliyyatına başlamazdan əvvəlki dövrlə müqayisədə iki dəfə aşağıdır.
Nəşrdə, həmçinin qeyd olunur ki, İran İslam İnqilabı Keşikçiləri Korpusu (SEPAH) çərşənbə axşamı yeni yeraltı “raket şəhəri” adlandırdığı obyektin görüntülərini yayımlayıb. SEPAH bu videonu yeraltı raket infrastrukturunun nümayişi kimi təqdim edib.
N.Talıblı
