“Heç bir sanksiya Belarusu öz milli maraqlarından əl çəkməyə məcbur etməyəcək”.
Azpost.info xəbər verir ki, bunu Belarus Xarici İşlər Nazirliyindən bildiriblər.
“Belarus müstəqil xarici siyasət yürüdən suveren dövlət olub və olacaq. Hansısa sanksiyalar, məhdudiyyətlər və təhdidlər bizi kursumuzdan dönməyə və milli maraqlarımıza zidd hərəkət etməyə məcbur etməyəcək”, – XİN mətbuat xidməti bəyan edib.
ABŞ-ın Belarusdan olan fiziki və hüquqi şəxslərə qarşı sanksiyalar tətbiq etməsini şərh edən nazirlik qərarın Minsk üçün sürpriz olmadığını bildirib: “Özünü dünyanın taleyinin hakimi kimi göstərən ölkədən başqa nəsə gözləmək çətindir. ABŞ öz müstəsnalığına, yanılmazlığına və cəzasızlığına inanmağa davam edir”.
Azpost.info
