arıqlamağı
Bir sıra məhsullar arıqlamağı sürətləndirə bilər, lakin normal yuxu və müntəzəm fiziki fəaliyyəti unutmamalısınız. AzPost bildirir ki, Sputnik radiosunun efirində dietoloq rahat arıqlamaq üçün pəhrizə hansı qidaların daxil edilməsi lazım olduğu barədə danışıb.
İlk növbədə, mütəxəssis qeyd edib ki, kifayət qədər miqdarda lif və protein istehlak etmək lazımdır. Birincisi toxluq hissi verir və bu daha çox tərəvəzlərdə, meyvələrdə, bütün taxıllarda və paxlalılarda mövcuddur.
“Bundan əlavə, zülalla zəngin qidalar – yağsız ət, quş əti, balıq, yumurta və kəsmik toxluğa və əzələ kütləsinin qorunmasına kömək edir. Amma günün birinci yarısında yemək daha yaxşıdır”, – deyə diyetoloq bildirib.
Həmçinin, arıqlamaq üçün sağlam yağları – zeytun yağı, toxum və qoz-fındıqları normada istehlak etməlisiniz.
“Amma diqqətli olmalısınız, çünki qoz-fındıq ümumiyyətlə yüksək kalorilidir. İnsanlar sadəcə bunların sağlam qidalar olduğunu anlayır və çoxlu yeməyə başlayırlar, lakin onlarla diqqətli olmaq lazımdır”, – deyə diyetoloq əlavə edib.
Aşağı glisemik indeksi olan, yəni qan şəkərində kəskin sıçrayışlara səbəb olmayan qidalar da yağ yandırmağa kömək edir. Onların arasında göyərti və giləmeyvələr əhəmiyyətlidir.
“Qreypfrut bu işdə mükəmməl kömək edəcək, çünki onun tərkibində yağların yandırılmasını təmin edən aktiv maddələr, həmçinin həzmi aktivləşdirən fermentlər var” – deyə mütəxəssis qeyd edib.
O, həmçinin pəhrizə kivi və ananas əlavə etməyi tövsiyə edib.
