“Mərhum prezident Heydər Əliyevin 1994-cü ildə çətinliklə verdiyi atəşkəs qərarının strateji baxımdan çox düzgün olub. Bu atəşkəs on minlərlə azərbaycanlı gəncin həyatını xilas etməklə yanaşı ölkəmizə çətin bir durumda nəfəsini dərib, yeni gerçəkliyin yaradılmasına başlamağa imkan verdi”.
Azpost.info bildirir ki, bu sözləri REAL Partiyasının sədri İlqar Məmmədov Meta-da yazıb.
“Üç avropalı diplomatla şam yeməyində beynəlxalq münaqişələrə nəzər yetirərkən Heydər Əliyevin 1994-cü ildə çətinliklə verdiyi atəşkəs qərarının strateji baxımdan çox düzgün olmasına bir neçə dəfə qayıtmalı oldum. Doğrudan da, 1994-cü il atəşkəsi on minlərlə azərbaycanlı gəncin həyatını xilas etməklə yanaşı ölkəmizə çətin bir durumda nəfəsini dərib, yeni gerçəkliyin yaradılmasına başlamağa imkan verdi. Bir çox tarixi şəxsiyyətə ziddiyyətli qiymət tək bir fərdin düşüncəsinə də sığar. Heydər Əliyev belə şəxsiyyətlərdən biridir. Onun 1993-1998 prezidentliyini əsasən müsbət, sonrakı dövrünü əsasən mənfi kimi qiymətləndirdiyimi daim demişəm. Əsl qiyməti daha da uzaq gələcək verəcək. 1994 atəşkəsinə görə onu xoş sözlə yad etməliyik”.
Azpost.info
