“Hizbullah” qruplaşması şənbə günü Livan sərhədindəki İsrail mövqelərinə eyni vaxtda hücum edib.
Azpost.info bildirir ki, bu barədə Röyter məlumat verib.
Bundan əvvəl İsrailin hərbi təyyarələri Livan ərazisinə hücum edərək “Hizbullah” ın hədəflərinə zərbələr endirmişdi.
“Hizbullah” ın hücumu ilə məlumatlı olan mənbənin sözlərinə görə, qrup Ayta əl-Şaab və Rmeyx kəndlərindən sərhədin digər tərəfindəki İsrail mövqeyini vurub. Bu zaman “Hizbullah” hələ döyüşlərdə istifadə olunmayan güclü bir raketdən istifadə etdiyini bildirib.
HƏMAS-ın İsrailə hucumundan sonra “Hizbullah” Livan-İsrail sərhədində İsrail qüvvələri ilə atışma aparır.
Bu döyüşlər 2006-cı il müharibəsindən bəri sərhəddəki ən şiddətli döyüşlərdir.
“Hizbullah” ın lideri Seyid Həsən Nəsrullah cümə günü çıxışında bildirib ki, Livan cəbhəsindəki eskalasiyanın Qəzza zolağındakı hadisələrdən və İsrailin Livana qarşı hərəkətlərindən asılı olacaq.
Reuters-in Hiam sakini Sohail Salamiyə istinadən paylaşdığı videoda, Livanın Hiam şəhəri yaxınlığındakı təpələrin üstündən iki qalın tüstü sütununun qalxdığı, ərazinin İsrailin hava hücumuna məruz qaldığı görünür.
