Husilər ABŞ-ın ticarət gəmisinə və bir neçə esminesinə hücum edib

Yəmənin husi üsyançı hərəkatı “Ənsar Allah” Qırmızı dəniz və Ədən körfəzində ticarət gəmisinə və bir neçə ABŞ esminesinə hücum edib.

Azpost.info xəbər verir ki, bu barədə hərəkatın hərbi nümayəndəsi Yəhya Sariya bildirib.

O, husilərin Qəzza zolağında döyüşlər dayandırılana qədər Qırmızı dənizdə gəmilərə hücumlarını davam etdirəcəyini deyib.

“Yəmənin hərbi-dəniz qüvvələri iki yüksək keyfiyyətli hərbi əməliyyat həyata keçirib. Ədən körfəzində ABŞ-ın “Propel Fortune” gəmisinə gəmi əleyhinə raketlərlə zərbə endirib, həmçinin 37 pilotsuz uçan aparatdan istifadə edərək Qırmızı dəniz və Ədən körfəzində ABŞ-ın bir neçə esminesinə hücum edib”, – Sariya deyib.

Azpost.info

Əvvəlki məqalə

“Ermənistan Aİ-yə daxil olmaq ideyasını fəal şəkildə müzakirə edir”

Sonrakı məqalə

Türkiyədə FETÖ üzvü olmaqda şübhəli bilinən 91 nəfər saxlanılıb