İcra başçısı qəzalı bina ilə bağlı Baş Nazirə müraciət edib

27 Noyabr 2019 - 20:46

Səbail Rayon İcra Hakimiyyətinin başçısı Vuqar Zeynalov Baş Nazir Əli Əsədova müraciət edib.

Nazirlər Kabinetinin mətbuat xidmətindən APA-ya verilən məlumata görə, Səbail rayonu Buxta küçəsi 9 ünvanında yerləşən qəzalı bina ilə bağlı Səbail Rayon İcra Hakimiyyətinin başçısı Vuqar Zeynalovun Baş Nazirə müraciətinə baxılıb.  

Baş Nazirin müavini Əli Əhmədov tərəfindən bu məsələ ilə bağlı Maliyyə Nazirliyi, Fövqəladə Hallar Nazirliyi və Səbail Rayon İcra Hakimiyyətinə zəruri tədbirlər görülməsi tapşırılıb.