“Vaşinqtonun “Demokratiya sammiti” keçirmək niyyəti ikiüzlülükdür”.
Azpost.info xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
O bildirib ki, ABŞ-ın bu cür hərəkətləri Qərb həmkarlarına qarşı neokolonial siyasətdir və Birləşmiş Ştatlarının demokratik azadlıqların qorunmasında nüfuzu inandırıcı deyil: “Biz ABŞ hakimiyyətinin qlobal miqyasda demokratik dəyərlərin təbliğində liderlik iddiasını ikiüzlülüyün zirvəsi hesab edirik. Demokratiya naminə sammitlər ABŞ-ın xarici siyasətindəki neokolonial təcrübənin bariz təzahürüdür”.
Zaxarovanın sözlərinə görə, bu cür tədbirlərin təşkili istiqamətində atılan addımların arxasında ABŞ-ın xarici nəzarət və suveren dövlətlərin daxili işlərinə müdaxilə alətlərini yeniləmək və qanuniləşdirmək istəyi dayanır: ”Bu addımlar ilk növbədə Çin və Rusiyaya qarşı yönəlib”.
Martın 28-30-da ABŞ-da “Demokratiya sammiti” keçiriləcək. İlk belə tədbir 2021-ci ildə keçirilmiş, Çin, Rusiya, Macarıstan və Türkiyə görüşə dəvət olunmamışdı.
Azpost.info
