Avropa İttifaqı Şurasının rəhbəri Şarl Mişel Azərbaycan və Ermənistan liderləri ilə Brüsseldə keçirilmiş görüşün nəticələri barədə açıqlama verib.
Azpost.info bildirir ki, görüşün nəticələrinə görə aprelin sonun qədər Azərbaycan -Ermənistan sərhədinin delimitasiyası ilə bağlı ikitərəfli komissiyanın yaradılması barədə razılıq əldə edilib. Bu 26 noyabrda Soçidə əldə edilmiş razılaşmanın bazası əsasında yaradılacaq.
İkitərəfli komissiya sərhədboyu təhlükəsizlik və sabitliyin təmin edilməsi ilə bağlı məsələləri koordinasiya edəcək.
Azərbaycan Prezidenti və Ermnistanın Baş naziri iki ölkə arasında sülh danışıqlarının başlanmasına hazırlıq üçün XİN başçılarına göstəriş verib.
Mişel deyib ki, danışıqlarda mühüm addım atılıb. Onun sözlərinə görə, üçtərəfli görüşdə Azərbaycan və Ermənistan arasında sülh müqaviləsinin hazırlanması prosesinə başlamaq üçün işçi qrupun yaradılması barədə qərarı qəbul edilib.
Mişel bu əlaqə kanalının yaxın zamanlarda yaradılacağına ümid etdiyini bildirib.
Mişel bununla yanaşı Azərbaycan və Ermənistan arasında sazişin nə zamana imzalanacağı ilə bağlı proqnoz verməyib: “Hiss edirəm ki, irəli addım atmaq üçün ümumi istək var. Əminəm ki, biz bu gün mühüm addım atdıq. Bu gün proses start götürdü”-deyə Mişel vurğulayıb.
“Avropa İttifaqı üçün Cənubi Qafqazda sabitlik və rifah çox mühümdür. Odur ki, biz etimad tədbirlərinin qurulması üçün bütün müsbət səylərin dəstəkləyəcək prosesə qoşuluruq”-deyə Aİ Şurasının prezidenti bildirib.
