Dubay İqtisadiyyat və Turizm Departamentinin (DET) son məlumatlarına görə, 2022-ci ilin yanvar-iyun aylarında Dubayı 7,12 milyon əcnəbi ziyarət edib. Bu, 2021-ci ilin eyni dövrü ilə müqayisədə 183 faizdən çox artdım deməkdir.
Bu barədə “Dubai Tourism”in Rusiya və MDB ölkələri üzrə mətbuat xidmətindən məlumat verilib.
BƏƏ-nin vitse-prezidenti, Baş naziri və Dubayın əmiri Şeyx Məhəmməd bin-Rəşid Əl-Maktumun Dubayı gələcəyin şəhəri etmək və yaşamaq, işləmək, eyni zamanda sərmayə qoymaq üçün dünyanın ən yaxşı yerinə çevirmək ambisiyaları əmirliyin turizm sektorunun əhəmiyyətli dərəcədə inkişafına səbəb olub.
“Etdiyimiz bu proseslər həmçinin Dubayın möhkəm və sabit iqtisadi ekosistemini formalaşdırıb ki, bu da əmirliyi sosial və iqtisadi həyatın müxtəlif sektorlarında dünyanın aparıcı mərkəzlərindən birinə çevirib. Turistlərin sayının əhəmiyyətli dərəcədə artması əmirliyin iqtisadiyyatının dayanıqlığını və dinamizmini əks etdirir”, – deyə Dubayın əmiri bildirib.
Dubayda mehmanxana sektoru da turist sayına görə 2022-ci ilin birinci yarısında yüksək nəticələrə nail olub. Bu arada, əmirlikdə 2022-ci ilin birinci yarısında otellərin ümumi sayı 2021-ci ilin birinci yarısı ilə müqayisədə 8 faiz artıb, bu da investorların Dubayın turizm sektoruna inamının davam etdiyini göstərir.
Qeyd edək ki, ən son statistik rəqəmlər Dubayın ziyarət edilməli bir yer kimi davamlı cazibəsini göstərir və əmirliyin “Tripadvisor Travellers’ Choice Awards 2022”də səyahət məkanı üzrə dünyəvi lider kimi reytinqini bir daha təsdiqləyir. Dubay təkcə beynəlxalq səyahətlər üçün deyil, həm də biznes üçün ən populyar istiqamətlərdən biri olaraq öz nüfuzunu qoruyub saxlayır.
