REAL Partiyasının sədri İlqar Məmmədov Milli Məclisə namizədliyini irəli sürəcəyi seçki dairəsini açıqlayıb.
Azpost.info bildirir ki, İ.Məmmədov bununla bağlı açıqlama yayıb.
Onun sözlərinə görə, ötən ilin noyabrından başlayaraq mindən çox adamın qatıldığı, üç dövrədən ibarət hazırlıq sorğular keçirib. Teleqram kanalında keçirdiyi soğuda oxucularından Bakı və Sumqayıtda yerləşən dairələrdən birini onun üçün seçməyi təklif edib: “O sorğuda 24 dairə seçildi. Növbəti sorğuda 24`ün arasından 10 dairə seçdik. Sonuncu – üçüncü sorğu bu ilin fevralında idi. Nəticəsinə əsasən siyahımda cəmi 6 dairə qaldı: 8 saylı Binəqədi, 15 saylı Yasamal, 17 saylı Yasamal, 19 saylı Nərimanov, 22 saylı Nəsimi-Yasamal və 35 saylı Xətai seçki dairəsi”.
REAL Siyasi Komitəsi 22 saylı Nəsimi-Yasamal dairəsi resurslarımızın idarə olunması baxımından ən düzgün variant kimi təsdiq edib. “Yekun qərarı da yəqin ki, o cür olacaq. Partiyamızda Nizamnaməyə əsasən son qərarı Siyasi Komitə verir. Odur ki, 22 saylı Nəsimi-Yasamal seçki dairəsi üzrə namizəd olmağımın ehtimalı ən yüksəkdir”.
