İngiltərənin Vayt adasında alimlər kürəyi və quyruğu boyunca diqqətçəkən yelkənvarı çıxıntısı olan yeni dinozavr növü aşkar ediblər.
“Guardian” xəbər verir ki, tədqiqatçılar bunu cütləşmə dövründə dişiləri cəlb etmək üçün istifadə olunduğunu hesab edir. Yeni tapıntı iguanodontiya tipinə aid dinozavrın qalıqları əsasında müəyyənləşdirilib. Fosillər təqaüddə olan həkim və hazırda Portsmut Universiteti ilə Təbiət Tarixi Muzeyində doktorantura təhsili alan Ceremi Lokvud tərəfindən araşdırılıb. Lokvud bu yeni növə “Istiorachis macaruthurae” adını verib.
Adın birinci hissəsi “yelkən onurğası” mənasını daşıyır, ikinci hissəsi isə 2005-ci ildə dünya üzrə təkbaşına, fasiləsiz ən sürətli yelkənli səyahət rekordunu qırmış dənizçi Ellen Makarturun şərəfinə seçilib.
Əvvəllər bu qalıqlar adada məlum olan iki dinozavr növündən birinə aid hesab edilirdi. Lakin Lokvudun 125 milyon il əvvələ aid nümunələri digər dinozavr onurğa sümükləri ilə müqayisə etməsi nəticəsində onların fərqli və unikal olduğu üzə çıxıb.
