Balanslaşdırılmış və sağlam qidalanma hüceyrələrin zədələnməsinin qarşısını alır, eyni zamanda qocalmanı ləngidir.
Azpost.info xəbər verir ki, mütəxəssislərə görə, orqanizmimiz üçün “zireh” rolunu oynayan, hüceyrə qocalmasını əhəmiyyətli dərəcədə yavaşladan məhsullar var. Bunlar əsasən aşağıdakılardır:
Su
Enerji əldə etmək və orqanizmi təmizləmək üçün bədənimizin bütün hüceyrələrinin ən çox ehtiyac duyduğu maye sudur. Su daxili orqanların sağlam işləməsini təmin edir, dərini daha parlaq edir və qırışların qarşısını alır.
Avokado
Çoxlu vitamin və minerallarla zəngin olan bu məhsul ilk növbədə hüceyrələrin təmizlənməsinə cavabdehdir. Avokado həm də dəri üçün nəm mənbəyi rolunu oynayır, ona parıltı verir və qırışları gecikdirir.
Yaşıl çay
Ən güclü antioksidant olan yaşıl çay dəri xəstəlikləri üçün faydalıdır və eyni zamanda dəridə günəş və yaşlılıq ləkələrinin yaranmasının qarşısını alır.
Alma
Gündə bir ədəd yaşıl alma qabığı ilə birlikdə yeyiləndə kollagenin aktiv istehsalını stimullaşdırır və dərinin sallanmasının qarşısını alır, qırışların əmələ gəlməsini ləngidir və saçları qırılmadan qoruyur.
Üzüm
Üzüm tumlarında olan təbii birləşmə resveratrol güclü antioksidantdır. Bir çox xərçəng növlərindən qoruyur, immuniteti gücləndirir.
Soğan və sarımsaq
Onlar B vitaminləri, selen, kükürd kimi faydalı mikroelementlərlə zəngindir. Dərini günəşin zərərli təsirlərindən qoruyur. Tərkibindəki kükürd sayəsində hüceyrə bərpasını təşviq edir.
Pomidor
Pomidor dəri xəstəlikləri üçün çox təsirlidir, sızanaqları asanlıqla aradan qaldırır, ekzemaya kömək edir, saç və baş dərisinin vəziyyətini yaxşılaşdırır.
Tünd yaşıl tərəvəzlər
Onların tərkibində olan yüksək miqdarda fol turşusu dərinin elastikliyini qoruyur və selülitin yaranmasının qarşısını alır.
Giləmeyvə və meyvələr (əsasən albalı, çiyələk, zoğal, qaragilə, moruq, böyürtkən)
Antioksidanlarla zəngindirlər, buna görə də yaşlanma əleyhinə xüsusiyyətlərə malikdirlər. Bundan başqa, onların tərkibində çoxlu C vitamini var ki, bu da zədələnmiş hüceyrələri bərpa etməyə və dəri xərçənginin inkişafının qarşısını almağa kömək edir.
Tünd şokolad
Tünd şokolad antioksidant mənbəyidir.
Balıq
Omeqa-3 ilə zəngin olan bu məhsul həm ürək, həm də dəri üçün faydalıdır. Xüsusilə hüceyrə ölümünü yavaşladır.
Qatıq
Qatıq zərdabında olan vitamin B2 dəriyə cavanlaşdırıcı və bərpaedici təsir göstərir.
Ümumiyyətlə, mütəxəssislər qida rasionunda daha çox təbii məhsullardan istifadə etməyi, mümkünsə fast food və qazlı içkilərdən tamamilə imtina etməyi tövsiyə edir. Bu yaxınlarda alimlər müəyyən ediblər ki, qəlyanaltılar, qazlı su, hazır bişmiş məmulatlar və bu kimi qidalar xərçəng də daxil olmaqla 30-dan çox xəstəliyin riskini artırır.
Azpost.info
