iPhone
“iPhone 17 Pro” modeli ilə bağlı yayılan sızıntılar cihazın arxa panelində iki fərqli materialın istifadə oluna biləcəyini göstərir. Metal və şüşə birləşməsindən ibarət bu yeni dizaynın, simsiz enerji doldurma funksiyasını qorumaqla yanaşı, vizual baxımdan necə görünəcəyi maraq doğurur.
Qayanrinfo xəbər verir ki, “Apple”ın “iPhone 17” seriyasını rəsmi olaraq təqdim etməsinə hələ təxminən beş ay qalmasına baxmayaraq, yeni nəsil modellərlə bağlı bir çox məlumat artıq üzə çıxıb.
Bu il də dörd fərqli “iPhone 17” modelinin təqdim ediləcəyi gözlənilir. Son iki ildə mövcud olan “Plus” modelinin isə bu dəfə ultra nazik “iPhone 17 Air” ilə əvəzlənəcəyi bildirilir. Məlum olan iddialara və görüntülərə əsasən, “Air” modelinin arxa hissəsində üfüqi yerləşdirilmiş tək linzalı kamera çubuğu yer alacaq.
Kamera çıxıntısının böyüdülməsi, “Face ID” modulunun ön tərəfdə saxlanılması ilə bağlı ola bilər. Bu modulların qalınlığı, cihazın arxa hissəsində əlavə çıxıntıların yaranmasına səbəb ola bilər. Bütün modellərində belə bir kamera çıxıntısının mövcud olacağı ehtimal edilir.
Fərqli materiallar, eyni rəng
Sızıntılar “iPhone 17 Pro” modellərinin arxa hissəsində iki fərqli materialdan istifadə oluna biləcəyini göstərir. İddialara görə:
* Kamera çıxıntısı alüminium materialdan hazırlanacaq;
* Aşağı hissə isə simsiz doldurmanı dəstəkləyən şüşədən ibarət olacaq.
Bu iki materialın birləşməsi cihazın dizaynında nəzərəçarpacaq bir fərqlilik yaratmaya bilər. Ortaya çıxan bəzi görüntülər isə bu dizaynın tək rəngli görünüşünü necə qoruyacağını göstərir.
“Bloomberg” müxbiri Mark Qurman da “Apple”ın bu modelinin arxa hissəsində vahid rəng tonunu qoruyacaq dizayn üzərində çalışdığını bildirir. Yayılan sızıntı və görüntülər bu məlumatı təsdiqləyir və fərqli materiallardan istifadə olunmasına baxmayaraq, ümumi dizaynın bütövlüyünün qorunacağını göstərir.
Təbii ki, istifadəçilərin əksəriyyəti cihazlarını qoruyucu örtüklərlə istifadə etdiyindən, bu dizaynın gündəlik istifadədə nə qədər nəzərə çarpacağı hələ də mübahisə mövzusudur.
“Apple”ın “iPhone 17” seriyası ilə bağlı detalları getdikcə dəqiqləşir və rəsmi təqdimata yaxın daha çox məlumatın ortaya çıxacağı gözlənilir.
