İsrail Prezidenti İsxak Hersoq Vaşinqtona səfəri zamanı ABŞ prezidenti Co Baydenlə “İran təhlükəsi”ni müzakirə edəcək.
Azpost.info xəbər verir ki, bu barədə İsrail liderinin ofisi məlumat yayıb.
Hersoq bildirib ki, ABŞ lideri və digər yüksək səviyyəli rəsmilərlə “İbrahim razılaşması”ndan tutmuş, Livan qaz anlaşmasına qədər bütün mühüm məsələlər ətrafında fikir mübadiləsi aparacaq.
“İran təhlükəsi təkcə Yaxın Şərqdə deyil, bütün dünyada sabitliyi pozur və buna qarşı qəti və vahid reaksiya tələb olunur”, – Hersoq deyib.
İsrail Prezidenti onu da qeyd edib ki, Baydenlə görüşdə qlobal problemləri, o cümlədən, bütün dünya və bəşəriyyət üçün təhlükə yaradan iqlim böhranını da müzakirə edəcək.
Azpost.info