İranda oğurluqda təqsirli bilinən Möhsün Aşirinin sağ əlindəki 4 barmağı kəsilib.
AzPost Daily Mail-ə istinadən bildirir ki, Aşiri oğurluqda təqsirli bilinərək altı ay həbs cəzasına məhkum edilib. həmçinin İran cinayət qanunlarına görə tipik “cismani” cəza olaraq əli qismən amputasiya olub.
Həbsxanadan çıxdıqdan sonra Aşiri təxminən 190.000 dollarlıq girov qoyub, lakin sonradan məhkəmə ondan ilkin məbləğin iki qatına yeni girov qoymasını tələb edib. Tələb olunan məbləğin verə bilməməsi cəzanın icrası ilə nəticələnib.
Beynəlxalq hüquq müdafiə təşkilatları İran hakimiyyətinin hərəkətlərini kəskin tənqid edərək, onları insan hüquqlarının dəhşətli şəkildə pozulması və “orta əsr cəza üsullarının nümunəsi” kimi qiymətləndiriblər.
Zərərçəkmiş Aşiri bağışlasa da, məhkəmə onun cəzasını azaltmamaq qərarına gəlib. “Bu, bir daha İranın məhkəmə sisteminin özbaşına və qəddar xarakterini nümayiş etdirir”, – bəyanatda deyilir.
Bundan əvvəl İranda oğurluqda təqsirli bilinən daha üç şəxsə barmaqlarının kəsilməsi ilə bağlı oxşar cəza tətbiq edilib.
