İspaniya Nazirlər Kabineti 2013-cü ildən mövcud olan “qızıl viza” müddəasının ləğvi barədə qərar qəbul edib.
Azpost.info xəbər verir ki, bu viza Aİ ölkələrinin vətəndaşı olmayan xarici investorlara ölkədə işləmək və yaşamaq icazəsinin verilməsini nəzərdə tuturdu.
Daşınmaz əmlaka yatırılan məbləğ 500 min avrodan az ola bilməzdi. Bu yolla investorun ailə üzvləri də İspaniyada yaşamaq hüququ əldə ediblər.
Nazirlər Kabineti son qərarını mənzil qiymətlərinin yüksəlməsinə və İspaniyada pulla imtiyazlar almaq imkanına səbəb olan daşınmaz əmlak spekulyasiyasına qarşı mübarizə aparmaq istəyi ilə əsaslandırıb.
“Qızıl vizalar” xüsusilə ABŞ və Çin vətəndaşları arasında populyar olub. 10 il ərzində bu sistemdən istifadə edərək ruslar müxtəlif illərdə aparılan əməliyyatların sayına görə əcnəbilər arasında 5-6-cı yerləri tutaraq ümumilikdə 1159 ədəd daşınmaz əmlak əldə ediblər. Buna baxmayaraq, təkcə 2023-cü ilin ilk altı ayında Rusiya vətəndaşları “qızıl viza”ya müraciət etmədən İspaniyada ümumi əsasda daşınmaz əmlak almaq üçün 2137 əməliyyat həyata keçiriblər.
Azpost.info
