ABŞ dövlət katibi Entoni Blinken və İsrail prezidenti İsxak Hersoq Vaşinqtonda keçirilən görüşdə Ukrayna münaqişəsini Rusiyanın xüsusi əməliyyatı və İranın regiona təsiri kontekstində müzakirə ediblər.
Azpost.info xəbər verir ki, bu barədə Dövlət Departamentinin mətbuat xidmətinin rəhbəri Ned Prays yazılı açıqlama yayıb.
“Blinken və Hersoq ortaq maraq doğuran təhlükəsizlik məsələlərini, o cümlədən Rusiyanın Ukraynada keçirdiyi xüsusi əməliyyatı və İranın regiona zərərli təsirini müzakirə ediblər”, – açıqlamada bildirilir.
Tərəflər İsraillə ərəb ölkələri arasında münasibətlərin mümkün dərinləşməsinə də toxunublar. Dövlət katibi həmçinin ABŞ-ın İordan çayının qərb sahilində gərginliyin yüksək olması və israillilərin və fələstinlilərin ölümü ilə bağlı narahatlığını ifadə edib. Blinken gərginliyin dərhal azaldılmasına çağırıb.
Azpost.info
