“İsrail hərbçiləri İranın Suriyadakı hərbi infrastrukturunun təxminən 90 faizini məhv edib. Həmçinin Tehranı Suriya hakimiyyətini silahla təmin etmək imkanından demək olar ki, məhrum edib”.
Azpost.info xəbər verir ki, bu barədə “The Jerusalem Post” İsrail Müdafiə Nazirliyinin yüksək vəzifəli şəxslərinə istinadən yazıb.
Nəşrin həmsöhbətlərinin fikrincə, İsrail son illər İranın Suriyada silah istehsal etmək imkanlarını demək olar ki, tamamilə məhdudlaşdırmağa və ölkədə “iranpərəst qüvvələr” bazasının yaradılmasının qarşısını almağa nail olub.
“The Jerusalem Post”un həmsöhbətləri qeyd ediblər ki, İsrail və Rusiya arasında münasibətlərdəki gərginliyə baxmayaraq, tərəflər Suriyada münaqişəli vəziyyətlərin qarşısını almağa kömək edən mexanizm çərçivəsində fəaliyyətlərini davam etdirirlər.
Azpost.info
