Rusiya prezidenti Vladimir Putin Burundinin keçmiş ikinci vitse-prezidenti Jozef Butoreyə Rusiya vətəndaşlığı verib.
Azpost.info xəbər verir ki, müvafiq fərman oktyabrın 24-də rəsmi hüquqi informasiya portalında dərc olunub.
“Aşağıdakı şəxslər Rusiya Federasiyasının vətəndaşlığına qəbul edilsinlər: …Butore Jozef, 14 aprel 1969-cu ildə Burundidə anadan olub”, – fərmanda bildirilir.
Butore 2015-2020-ci illərdə Burundinin ikinci vitse-prezidenti vəzifəsində çalışıb. 2018-ci ildə o, Rusiyanın dövlət mükafatı – “Dostluq ordeni” ilə təltif edilib.
Azpost.info
