“İsrail və Fələstinin “Həmas” hərəkatı arasında hərbi münaqişə qlobal müharibəyə çevrilmək riski daşıyır”.
Azpost.info bildirir ki, bu barədə Rusiya Təhlükəsizlik Şurasının sədr müavini Dmitri Medvedev “İzvestiya” qəzetində dərc olunan məqaləsində bildirib.
“Yaxın Şərqdə yenə müharibədir. Amansız, qaydasız müharibə… Terror və dinc əhaliyə qarşı qeyri-mütənasib güc tətbiqi doktrinasına əsaslanan müharibə”, – Medvedev bildirib.
O, əlavə edib ki, Rusiya üçün Ukraynada hərbi əməliyyatlar zonasında baş verənlər daha vacibdir. Lakin Moskva İsrail ordusu ilə HƏMAS arasında gedən döyüşlərə də göz yuma bilməz.
Medvedev Fələstin-İsrail müharibəsinin yeni raundunun əsl məsuliyyətinin kimin daşıyacağı sualını verir. O, özü də cavab verir. Onun sözlərinə görə, bugünkü münaqişənin uzun bir tarixi var. 1940-cı illərdən bəri qaranlığa və terrora doğru hər addımda Amerikanın açıq izi görünür.
Medvedev vurğulayıb ki, 1960-cı illərdən bəri bütün ərəb-İsrail müharibələrində Vaşinqton yalnız bir tərəfi dəstəkləyib və silahla gücləndirib.
Medvedyevin sözlərinə görə, qeyri-sabit region Amerika üçün çox faydalıdır. “ABŞ-da bütün administrasiyalar heç vaxt Yaxın Şərqdə yekun nizamlanmada maraqlı olmayıb”, – deyə Təhlükəsizlik Şurasının sədr müavini əlavə edib.
Onun sözlərinə görə, hazırkı münaqişənin həlli üçün ABŞ-ın iştirakı ilə istənilən sülh danışıqları əvvəlcədən uğursuzluğa məhkumdur.
Medvedyev hesab edir ki, problemi birdəfəlik həll etməyin yeganə yolu tamhüquqlu Fələstin dövlətinin yaradılması və 1947-ci ildən bəri qəbul edilmiş bütün fundamental siyasi qərarların həyata keçirilməsidir.
Azpost.info
