İsraildə etirazlar fonunda məhkəmə islahatlarının birinci hissəsi yekun oxunuşlar üçün təsdiqlənib.
Azpost.info xəbər verir ki, bundan əvvəl İsrail prezidenti İshaq Hersoq Baş nazir Benyamin Netanyahu və onun hökumətini kütləvi etirazlara səbəb olan məhkəmə islahatlarının qəbulunu dayandırmağa çağırıb.
Ölkə başçısının fikrincə, mitinqlərə görə ölkənin təhlükəsizliyi və iqtisadiyyatı təhdid altındadır.
Hakimlərin təyinatı üzərində İsrail hökumətinə nəzarətin verilməsini və Ali Məhkəmənin səlahiyyətlərinin məhdudlaşdırılmasını nəzərdə tutan məhkəmə islahatları yəhudi dövlətində kütləvi etirazlara səbəb olub. Hakimiyyətin planlarından narazı olanlar artıq 3 aydır ki, mitinqlər keçirirlər.
Qeyd edək ki, İsraildə məhkəmə islahatlarına qarşı etirazlar fonunda Tel-Əvivdəki “Ben Qurion” beynəlxalq hava limanının fəaliyyəti dayandırılıb.
Azpost.info
