İsraildə Knesset (parlament) binası yaxınlığında Baş nazir Binyamin Netanyahu və hökumətin siyasətinə qarşı keçirilən etiraz aksiyasında 80 min nümayişçi iştirak edir.
Azpost.info xəbər verir ki, bunu hadisə yerindən canlı yayımlayan Kan-11 dövlət televiziyası bildirib.
Etirazçılar İsrail bayraqlarını dalğalandırır və Netanyahu əleyhinə şüarlar səsləndirirlər.
İsraildə kütləvi etirazların artmasına səbəb Netanyahunun martın 26-da ölkənin müdafiə naziri Yoav Qalantın istefasını elan etməsi olub. Nazir hakim koalisiyanın irəli sürdüyü və müxalifətin kütləvi etirazına səbəb olan məhkəmə islahatlarının dayandırılmasının tərəfdarı olduğunu demişdi.
Azpost.info
