İsrail ordusunun xüsusi təyinatlıları İordan çayının qərb sahilinin bir neçə bölgəsində səhər tezdən əməliyyatlara başlayıb.
Azpost.info bildirir ki, “Al Hadath” telekanalının verdiyi məlumata görə, Yerixo şəhəri yaxınlığındakı Akabat Cabir düşərgəsində və Nablusun şimalındakı Tubasda “Əl-Əqsa Şəhidləri” Briqadalarının (Fələstin Fəth hərəkatının hərbiləşdirilmiş qanadı) döyüşçüləri ilə İsrail təhlükəsizlik qüvvələri arasında atışmalar başlayıb.
WAFA-nın məlumatına görə, bazar günü Şərqi Qüdsdəki ərəb məhəllələrində, eləcə də Kalandiya və Tulkarm qaçqın düşərgələrində İsrail polisi ilə şiddətli toqquşmalar baş verib. İsrail ordusu etirazları dağıtmaq üçün gözyaşardıcı qaz və rezin güllələrdən istifadə edib. Bəzi yerlərdə atəş açılıb, nəticədə 15 fələstinli ölüb, 3 nəfər yaralanıb.
