“İsveç və Finlandiyanın NATO-ya üzv olmaq planları ilə bağlı Türkiyənin narahatlıqlarını aradan qaldırmaq üçün hələ də təklif almamışıq”.
Azpost.info xəbər verir ki, bunu Türkiyə prezidenti Rəcəb Tayyib Ərdoğan bildirib.
Rəcəb Tayyib Ərdoğan bu mövzunu AKP-nin parlamentdəki fraksiyasının iclasında qaldırıb. Onun sözlərinə görə, terrorçulara Almaniya, Fransa və Niderland da dəstək verir: “NATO terror təşkilatlarını dəstəkləyən qurum deyil, təhlükəsizlik təşkilatıdır. Onlar İsveç, Finlandiya, Almaniya, Fransa və Niderlandda polislə birlikdə bu terror təşkilatlarını qoruyurlar”.
Ərdoğan onu da qeyd edib ki, bəzi ölkələr Türkiyəyə silah satmaqdan imtina edir, lakin eyni zamanda Suriyadakı terrorçuları pulsuz silahlandırır: “Bu, hüquqi dövlət anlayışına uyğun gəlmir. Bunlar terrorçu ölkələrin üsullarıdır”.
Azpost.info
