İsveç polisinə Stokholm və Helsinqborqda dini kitabların yandırılması ilə bağlı aksiya keçirmək üçün üç müraciət daxil olub.
Azpost.info SVT-yə istinadən bildirir ki, onlardan birinin təşkilatçısı Stokholm məscidi qarşısında Quranın yandırmaq niyyətindədir. Müraciət edən əlli yaşlı qadın kanalın müxbirinə bildirib ki, ötən həftə paytaxt məscidi yaxınlığında da keçirilən nümayişdən sonra müstəqil şəkildə yeni aksiya təşkil etmək qərarına gəlib. Onun fikrincə, müsəlmanların müqəddəs kitabının yandırılması ilə bağlı dünyada İsveçə qarşı yaranan etirazlar ədalətsizdir.
Digər müraciətdə isə iyulun 15-də İsrail səfirliyi qarşısında Tövrat və İncilin yandırılması planlaşdırılır. 30 yaşlı vətəndaş olan ərizəçi bu aksiyanı ötən həftə Quranın yandırılmasına cavab olaraq keçirmək istəyir.
Üçüncü müraciətdə iyulun 12-də Helsinqborqun mərkəzində dini mətnlərin yandırılmasına icazə verilməsi istənilib. Onu da özəl şəxs təqdim edib. Tam olaraq nəyin yandırılmasının planlaşdırıldığı hələlik bəlli deyil.
Azpost.info
