İsveçrə bankları Rusiya vətəndaşlığı olan müştərilərin hesablarını bağlamağa başlayıblar.
Azpsot.info xəbər verir ki, bu, hətta eyni vaxtda başqa ölkənin pasportuna malik olan ruslara da şamil olunur.
Bu barədə İsveçrənin “Leolex” hüquq bürosunun idarəedici partnyoru Roman Kudinov “Vedomosti”yə bildirib.
Onun sözlərinə görə, problemlə UBS və “Credit Suisse”nin ikili vətəndaşlığı olan bir neçə müştərisi qarşılaşıb. Onların hamısı İsveçrədə vergi ödəyir, Rusiyada isə heç bir gəlir əldə etmirlər və vergi ödəmirlər.
ITSWM şirkətlər qrupunun partnyoru Ekaterina Popova deyir ki, indi İsveçrə bankları müştərilərinin Rusiya ilə hər hansı əlaqəsinə baxır. Onun təcrübəsində bu il belə bir hal olub ki, banklardan biri əməliyyatları yoxladıqdan sonra uzun illər əvvəl Rusiyadakı qayınanasına bir neçə yüz avro köçürdüyü üçün İsveçrə vətəndaşının hesabını bağlayıb.
2022-2023-cü illərdə İsveçrə bankları hesabında 1 milyon dollardan az vəsait olan rusiyalı müştərilərin hesablarını bağlayırdı. Rusiyadan yeni müştərilər üçün isə giriş həddini 5-10 milyon dollara qaldırmışdı. Bundan sonra varlı ruslar yerli yaşayış icazəsi almağa tələsdilər, lakin indi banklar nəinki yaşayış icazəsinin və ya hətta İsveçrə pasportunun olmasına, müştərinin Rusiyada hər hansı gəlir əldə edib-etməməsinə və orada vergi ödəyib-ödəməməsinə də baxır.
Azpsot.info
