Rusiya prezidenti Vladimir Putinin vəzifəli şəxslərin rus avtomobillərinə keçməsi ilə bağlı çağırışlarına baxmayaraq, Çeçenistan Daxili İşlər Nazirliyi yol polisinə “Mercedes Galendevagen” avtomobilləri alıb.
Azpost.info xəbər verir ki, avtomobillərin alınması barədə Çeçenistan lideri Ramzan Kadırov məlumat verib.
“Bu avtomobillər region yollarında işin səmərəliliyini əhəmiyyətli dərəcədə artıracaq”, – o bildirib.
Formal olaraq avtomobillər Axmat Kadırov Fondu tərəfindən polisə hədiyyə edilib. Media iddia edir ki, bu fond Çeçenistan sakinləri tərəfindən doldurulur və insanlar maaşlarının bir hissəsini ora köçürməyə borcludurlar. Həmçinin, vəsait dövlət müqavilələri, tenderlər və kommersiya müəssisələrinin töhfələri ilə daxil olur. Ramzan
Kadırov fondun qəyyumlar şurasına rəhbərlik edir, onun prezidenti isə Çeçenistanın hazırkı rəhbərinin anası, Axmat Kadırovun dul arvadı Aymani Kadırovadır.
Azpost.info
