Çeçenistan liderinin təhlükəsizlik üzrə köməkçisi Aptı Alaudinov Ukrayna üçün vuruşan “Dudayev batalyonu”nun üzvlərini hədələyib.
Azpost.info xəbər verir ki, Alaudinov Donbasda Severodonetsk vilayətində olduğu iddia edilən batalyonu bir nömrəli hədəfləru adlandırıb.
Alaudinov bildirib ki, Cövhər Dudayevin adını daşıyan batalyonun qarşı tərəfdə olması ilə bağlı dəfələrlə məlumat alıb: “Əgər orada millətimizin nümayəndələrindən biri varsa, o, bizim bir nömrəli hədəfimizdir. Hərçənd əsl çeçenin orada olması ehtimalı azdır”.
Kadırovun köməkçisi “Dudayev batalyonu”nun üzvlərini görüşə çağırıb: ““Axmat” xüsusi təyinatlı dəstəsi Severodonetsk ərazisində yerləşir. “Dudayev batalyonu”nun üzvləri ən azı bir mövqeyə yaxınlaşıb özlərini göstərsinlər. Bu, bizim üçün bu, şərəf məsələsidir və biz onları mütləq tapacağıq”.
Azpost.info
