ABŞ Prezidenti Donald Tramp Kanada avtomobil sənayesini qorumaq üçün ölkənin ABŞ-nin tərkibində ştat olmalı olduğunu bildirib.
Tramp bu fikirləri WABC radiosuna müsahibəsində səsləndirib. O qeyd edib ki, Kanada ABŞ ştatına çevrilsə, avtomobil istehsalçılarının ölkədə fəaliyyətini davam etdirməsinə icazə verəcək.
Tramp daha əvvəl Kanadada fəaliyyət göstərən şirkətlərə tariflərdən yayınmaq üçün istehsal və əməliyyatlarını ABŞ-yə köçürməyi təklif edib.
Qeyd edək ki, iki ölkə arasında ticarət münasibətləri son aylarda tariflər fonunda kəskinləşib. ABŞ müəyyən Kanada mallarına yüksək idxal rüsumları tətbiq edib, Ottava isə buna cavab olaraq Amerika məhsullarına qarşı tariflər qüvvəyə mindirib.
