Kapital Bank
Bir neçə gün əvvəl AzPost Kapital Bank müştərilərindən dələduzluq sığortası” adı ilə vəsait tutulması barədə məlumat yaymışdı.
Müraciət edən şikatyətçilər Kapital Bankın bu addımı müştərilərindən xəbərsiz şəkildə etdiyini iddia edirdilər. Bəzi müştərilər aylıq kiçik məbləğlərin avtomatik silindiyini, lakin bununla bağlı nə rəsmi bildiriş, nə də müqavilədə açıq qeyd görmədiklərini bildirirlər.
Kapital Bank bununla bağlı AzPost-a göndərdiyi açıqlamasında bəzi məqamlara aydınlıq gətirib.
Rəsmi açıqlamada deyilir ki, “Dələduzluq sığortası” bank məhsulu yox, kart xidmətlərinə əlavə olunan sığorta məhsuludur: “Müştərilərə maliyyə əməliyyatları təklif edilən zaman paraleldə bir çox sığorta məhsulu da təklif olunur. Seçim etdiyi məhsulu almaq istəyən müştərilər bu istəklərini rəsmi imzaları ilə təsdiq edirlər.
Təklif etdiyimiz bütün xidmətlərlə bağlı, xidmət aldığı kanaldan asılı olaraq müştərilərimizə öncədən şifahi, eləcə də yazılı formada ətraflı məlumat verilir. İstənilən halda bütün xidmətlərlə bağlı qaydalar bank və müştəri arasında imzalanan müqavilə ilə tənzimlənir.
Müştərinin rəsmi şəkildə təsdiq etmədiyi heç bir xidmət üçün bank tərəfindən xidmət haqqı tutulması mümkün deyil. Sığorta məhsulu ilə bağlı narazılığı olan müştərilər rəsmi formada banka müraciət edərək aldıqları xidməti dayandıra bilərlər”.
