Şimali Koreya lideri Kim Çen In real müharibədəki kimi instensiv manevrlərin keçirilməsi ilə bağlı göstəriş verib.
Azpost.info xəbər verir ki, Kim Çen In buna Koreya yarımadasında artan gərginlik fonunda qərar verib.
Şimali Koreyanın dövlət xəbər agentliyi KCNA yazır ki, Kim Çen In qızı ilə birlikdə səhra artilleriya təlimlərini izləyib. Agentliyin yaydığı fotolardan görünür ki, manevrlər zamanı eyni vaxtda ən azı 6 raket atılıb.
“Zərbə missiyaları üçün təlim keçmiş bölmə real müharibəyə müqavimət göstərmək bacarığını nümayiş etdirdi”, – agentlik yazır.
Kim Çen In təlimləri izləyərkən hərbçilərə iki strateji vəzifəni yerinə yetirməyə hazır olmalarını deyib. Bunlardan birincisi, müharibənin qarşısını almaq, ikincisi isə müharibədə təşəbbüsü ələ almaqdır.
Azpost.info
