Moskvada 36 yaşlı kişi mənzilində görülən təmir işindən narazı qalaraq ustaya hücum edib.
AzPost Rusiya mediasına istinadən xəbər verir ki, hadisə Malaya Poçtovaya küçəsində baş verib.
Məlumata görə, əvvəllər məhkum olunmuş şəxs evində aparılan təmirdən sonra nəticədən narazı qalıb. O, 41 yaşlı təmirçinin yaşadığı mənzilə gedərək ondan pul şəklində kompensasiya tələb edib. Təmirçi tələbi rədd etdikdə, kişi onu döyüb və cib telefonunu zorla alaraq hadisə yerindən qaçıb.
Moskvə polisinin məlumatına görə, hadisə ilə bağlı dərhal əməliyyat tədbirləri görülüb və şübhəli şəxs “isti izlərlə” saxlanılıb. Onun barəsində “quldurluq” maddəsi üzrə cinayət işi açılıb.
Zərərçəkənin vəziyyəti barədə məlumat verilməsə də, polis hadisənin bütün təfərrüatlarını araşdırır. Hüquq-mühafizə orqanları bildiriblər ki, saxlanılan şəxs əvvəllər də oxşar cinayətlərə görə məsuliyyətə cəlb olunub.
