Zelenskinin ofisi Ukraynanın təhlükəsizlik zəmanətləri ilə bağlı layihəni dərc edib.
Azpost.info xəbər verir ki, “Kiyev təhlükəsizlik müqaviləsi” adlı sənəddə Avropa İttifaqı, ABŞ, Böyük Britaniya, Avstraliya və Türkiyə qarant kimi təqdim edilir.
“Təhlükəsizlik zəmanətləri təsdiqedici və aydın şəkildə ifadə edilməlidir. Zəmanətlər zaminlər qrupunun Ukrayna ilə birlikdə götürdüyü bir sıra öhdəlikləri əhatə etməlidir. Onlar ikitərəfli sazişlər əsasında məcburi olmalıdır, lakin “Kiyev təhlükəsizlik müqaviləsi” adlı strateji tərəfdaşlıq haqqında birgə sənəd çərçivəsində birləşdirilməlidir”, – sənəddə deyilir.
Eyni zamanda, zəmanətlər Ukraynanı silahlı qüvvələrinin sayını və ya gücünü məhdudlaşdırmağa məcbur etməməlidir. Onlar Ukraynaya başqa öhdəliklər və ya məhdudiyyətlər qoymamalıdır.
Qarant ölkələr Ukrayna ərazisində hərbi əməliyyatlar dayandırılana, Moskvadan təcavüz etməmək barədə zəmanət alınana və Ukraynaya vurulan zərər tam ödənilənə qədər Rusiyaya qarşı sanksiyaları ləğv etməkdən çəkinməlidir.
Azpost.info
