Koronavirusla mübarizə üçün Rusiyadan ölkəmizə həkimlər göndəriləcək –

AÇIQLAMA
10 İyul 2020 - 08:15

Rusiyalı mütəxəssislər koronavirusla mübarizə üçün Azərbaycana göndəriləcək. 

Rusiyanın səhiyyə naziri Mixail Muraşko bu barədə “Rusiya-24” telekanalına müsahibəsində bildirib. O deyib ki, yeni növ koronavirus infeksiyası ilə mübarizədə yerli mütəxəssislərin təcrübəsi, həmçinin pasiyentlərə yardım ölkədən xaricdə də tələb olunur.

Rusiyalı həkimlər artıq italyan, qırğız həmkarlarına virusla mübarizədə kömək ediblər. Nazir qeyd edib ki, tezliklə həkimlərin Azərbaycana səfəri də planlaşdırılır.

“Əlbəttə, biz yaxın dostlara xüsusilə hərtərəfli yardım göstəririk”, – deyə o, əlavə edib.