“Rusiya hökuməti İttifaq Dövlətinin Ali Dövlət Şurasının (XDK) iclasına fəal şəkildə hazırlaşır”.
Azpost.info xəbər verir ki, bunu Kremlin sözçüsü Dmitri Peskov bildirib.
Onun sözlərinə görə, Rusiya və Belarus liderləri Vladimir Putin və Aleksandr Lukaşenkonun görüşü aprelin 6-da keçiriləcək. Dövlət başçıları İttifaq dövlətinin inkişaf perspektivlərini, həmçinin son hadisələr fonunda təhlükəsizliklə bağlı məsələləri müzakirə edəcəklər.
“Hazırlıqlar çərçivəsində bir gün əvvəl baş nazirlər, nazirlər səviyyəsində təmaslar olub. Ali Dövlət Şurasında gündəm, təbii ki, ilk növbədə, bizim İttifaq dövlətimizin inkişafının aktual məsələlərinə yönəlib. Lazım gələrsə, təbii ki, orada təhlükəsizliklə bağlı məsələlərə baxıla bilər. Üstəlik, bu mövzu məlum hadisələr və ölkələrimizin qeyri-dost mühiti ilə bağlı çox aktualdır”, – Peskov bildirib.
Azpost.info
