Krım körpüsündə yanğınla bağlı hökumət komissiyası yaradılır- Putin göstəriş verdi

Rusiya Prezidenti Vladimir Putin Krım körpüsündə baş verən yanğının səbəblərini öyrənmək üçün hökumət komissiyasının yaradılması barədə göstəriş verib.

Azpost.info xəbər verir ki, bu barədə dövlət başçısının mətbuat katibi Dmitri Peskov bildirib.

Onun sözlərinə görə, məsələ ilə bağlı hesabatları baş nazir Mixail Mişustin, baş nazirin müavini Marat Xusnullin, fövqəladə hallar naziri Aleksandr Kurenkov və nəqliyyat naziri Vitali Savelyev təqdim etməlidir.

“Prezident baş nazirə tapşırıb ki, hadisənin səbəblərini aydınlaşdırmaq və nəticələrini tezliklə aradan qaldırmaq üçün hökumət komissiyası yaratsın. Onun tərkibinə Krasnodar diyarı və Krımın rəhbərləri, Milli Qvardiyanın, FTX və Daxili İşlər Nazirliyinin nümayəndələri də daxil olacaq”, – Peskov qeyd edib.

Azpost.info

Əvvəlki məqalə

“İlk mərhələdə 66 min keçmiş məcbur köçkün evlərinə qayıdacaq” –

Sonrakı məqalə

Sabah hava qeyri-sabit keçəcək