Moskva yaxınlığındakı “Krokus Siti Holl”da mülki şəxslərə atəş açanlar adambaşına 500 min rubl mükafat almalı idilər.
Azpsot.info xəbər verir ki, bu barədə “İzvestiya” qəzeti mənbələrə istinadən yazıb.
“Bu məbləğin yarısı – 250 min rubl əvvəlcədən onların bank kartına köçürülüb”, – məlumatda deyilir.
Terror aktında şübhəli bilinənlərdən biri – Şəmsidin Fəriduni də dindirmə zamanı bildirmişdi ki, onlara törətdikləri cinayətə görə yarım milyon rubl vəd edilib.
Nəşrə danışan mənbə terror aktının hazırlanması ilə bağlı məlumatları da açıqlayıb. Onun sözlərinə görə, atəş açanlardan ikisi Türkiyədə olarkən təlimat alıb, digər ikisi isə bu işə Rusiyada cəlb edilib.
Azpsot.info
