“Kollektiv Təhlükəsizlik Müqaviləsi Təşkilatının əksər üzvləri Azərbaycanın tərəfindədir. KTMT-də qərarlar konsensusla qəbul edilir. Onlar isə Azərbaycanı dəstəkləyir. KTMT sərhəd məsələsinə qarışmayacaq”.
Azpost.info bildirir ki, bu sözləri “Regnum” Agentliyinin baş redaktoru Modest Kolerov NEWS.am saytına müsahibəsində bildirib.
Onun sözlərinə görə, İrəvanın Azərbaycanla sərhəddə döyüşlər zamanı KTMT-in reaksiyasına narazılığının əsası yoxdur. “Əvvəlcə sərhəddin özü olmalıdır. Rəsmi olaraq Azərbaycan-Ermənistan sərhədi mövcud deyil, təyin olunmayıb. Ermənistan özü də bunu etiraf edib”.
Kolerov deyib ki, Paşinyan açıq şəkildə Bakının təqdim etdiyi 5 prinsiplə razı olduğunu bəyan etsə də sonra bura öz şərtlərini irəli sürüb: “Amma bura Şərqdir, işlər burda belə görülmür”.
M. Kolerovun sözlərinə görə, Azərbaycanı heç kim saxlaya bilməyəcək.
