“KTMT-yə üzv ölkələr arasında siyasi, hərbi və hərbi-texniki sahələrdə əməkdaşlığın səmərəliliyi artırılmalıdır”.
Azpost.info xəbər verir ki, bunu Tacikistan prezidenti Emoməli Rahmon Düşənbədə KTMT Baş katibi İmanqali Tasmaqambetovla bugünkü görüşündə deyib.
“Prezident siyasi aspektdə əməkdaşlığın qurulmasının, KTMT-nin beynəlxalq fəaliyyətinin genişləndirilməsinin, hərbi, hərbi-texniki və hərbi-iqtisadi əməkdaşlığın səmərəliliyinin artırılmasının aktuallığını vurğuladı”, – Tacikistan prezidentinin mətbuat xidməti bildirib.
Tacikistan lideri həmçinin KTMT-də terrorizm və radikalizmin təzahürləri ilə mübarizə üzrə hərtərəfli işin gücləndirilməsinin vacibliyinə toxunub.
Tərəflər Əfqanıstandakı vəziyyətlə bağlı da fikir mübadiləsi aparıblar.
Azpost.info
