Ermənistan Baş naziri Nikol Paşinyan Kollektiv Təhlükəsizlik Müqaviləsi Təşkilatının (KTMT) 2021-2022-ci illər ərzində üzərinə götürdüyü öhdəlikləri yerinə yetirmədiyini bildirib.
Azpsot.info xəbər verir ki, o əlavə edib ki, bundan sonra İrəvan təşkilatda iştirakını dayandırıb.
Paşinyanın sözlərinə görə, Ermənistan KTMT danışıqlarında iştirakını 2023-cü ilin sentyabrından dayandırıb və ölkənin təşkilatda daimi nümayəndəsi yoxdur.
O qeyd edib ki, İrəvan KTMT qərarlarına veto qoymur.
“Ermənistan bütün tərəfdaşları ilə qarşılıqlı faydalı əlaqələr qurmaq və inkişaf etdirmək üçün açıqdır və regionda sabit və davamlı sülhün bərqərar olması ilə bağlı aydın mövqeyə malikdir. Bu məqsədlə biz təhlükəsizlik məsələləri ilə bağlı əlaqələrimizi şaxələndiririk”, – Paşinyan bildirib.
Azpsot.info
